“There seems to be a lack of coordination between our government agencies in the fight against the deadly novel coronavirus.”

Giisip nga usa ka global health emergency ang hulga sa nCov nga karon naka-infect og dul-an 20 mil ka mga tawo sa sobra 20 ka nasod ang apiktado, ug sobra 400 na sab ang namatay.

Ang mga nasod nagkabuang karon paghimo’ mga lakang nga masumpo ang pagkatap niiniu.

Kagahapon, mimandoi na si Department of Education Secetary Leonor Briones nga iuswag ug dili idayon ang mga dagkong sports event sa DeEd sa 1st quarter karog tuiga tungod sa hulga sa nCoV.

Apil sa iuswag sa wala pa matino nga petsa mao ang Palarong Pambansa, ug ingon man ang Central Visayas Regional Athletic Association (CVIRAA) meet nga gitakda sa Dumaguete City karong Pebrero 23 ngadto sa 28.

Ang Department of Health sa pikas bahin miduso karon nga hasta ang mga concerts ug dagkong mga entertainment shows suspensohon sab tungod sa hulga sa nCOv. Piligro ang daghang mga tawo nga magtapok.

Gisubli nila  nga dili pa gyod angay sa general public nga magsul-ob og mga facemasks, gawas lang niadtong mga may sakit nga moadto sa mga crowded places ug kadtong mga frontline health workers.

But of course, way makapugong ni bisan kinsa nga magsul-ob og facemasks kon maoy pagtuo nila nga protection kini sa ilang kaugalingon.

Apan ngano man nga ang Land Transportation Franchising and Regulatory Board (LTFRB) miluwat man og memorandum nga nagsugo sa tanang mga drivers sa mga public utility vehicles (PUJ, taxi, buses ug uban pa) nga magsuot og face masks.

Ang nakapasamot pa gyod sa bagu sa mga drivers kay multahan sila og P5,000 sa first offense, 10,000 sa 2nd offense ug P15,000 sa 3rd offense plus pagsuspenso sa drivers license ug pag impound sa sakyanan balig usa ka buwan.

Tuod man, gisugdan na sa LTFRB 7 ang pagpanakop ug napulo dayon ka drivers ang nadakpan, s igon ni LTFRB 7 Director Eduardo Montealto Jr.

“We’ll just wait for advice from the Department of Health (DOH) on how long they are required to wear protective masks while on duty,” matod ni Montealto.

Tingale ang unahon pagpangutana ni Montealto, dili kon kanus-a undangon, kon dili kinahanglanon ba gyod?

Makalibog kaayo nga ang DOH moingon nga dili kinahanglan kon wa masakit, apan ang LTFRB nanakop gyod sa wa magsul-ob og face mask.

Maayo ra ba og naay daghang baligya sa mga DOH-approved facemask sa mga botica ug ubang mga medical supplies outlet, pero wala.

Naay namaligya online apan nagpaburot sab sa presyo.

Ang uban nga drivers nagpatahi og panapton nga maoy gigamit nga facemasks, apan ang pangutana kon epektibo ba kini nga protection gikan sa nCoV. Ug bisan si Health Secretary Francisco Duque wa makasiguro kon kini epektibo ba.

Busa, maisip nga maisip kini nga way kaposlanan alang sa panglawas kon dili aronb lang pagtuman sa order sa LTFRB.

Maisip sab kinio nga pagpahimus sa LTFRB sa usa ka sirkumstansta aron makapanapi gikan sa kabus nga mga drivers, ug dili aron pagpanalipod gikan sa nCoV.

Kon gusto gyod sa LTFRB nga mapanalipdan ang panglawas sa mga drivers ug pasahero, manghatag sila og mga facemask o kaha, himoong avail;able sa gobiyerno ang mga barato nga facemasks.

Niay DepEd miingon nga wa gidiscourage ang pagsuspenso sa klase, apan ang usa usab ka gobvernador sa Negros Oriental mimando nga suspensohon ang klase sulod sa 3 ka adlaw.

Ang dakong propblema niining atong kampanya batok sa NCOV mao ang way koordinasyon sa lainlaing mga ahensya sa gobiyerno.

The government should get its act together.

Daghang Salamat