Kini maoy pahibawo ni Cebu City Mayor Edgardo Labella human sab nga gipanghatag karong adlawa ang financial assistance sa mga persons with disabilities o PWDs.
Mokabat sa P3,000 ang madawat sa mga seniors o tag-P1,000 alang sa 3 ka buwan- Hulyo, Agusto ug Setyimbre.
“House-to-house distribution of financial assistance for our senior citizens for the month of July, August and September will start on Saturday, September 25, 2021,”sigon ni Labella sa iyang fb post.
Giawhag ni Labella ang mga senior citizens nga maghuwat lang sa ilang tagsa-tagsa ka panimalay sa mga disbursement officers sanglit di man mahuman og usa ka adlaw lang ang distribution.
“Palihug usab sa pag-andam sa inyong ID, ballpen ug pagbutang og tima-ilhan gawas sa inyong balay aron dali kamo na matultolan sa atong mga disbursement officers. Ayaw kalimot pagsul-ob sa inyong face mask, pag-alcohol ug amping kanunay!,”dugang ni Labella.
