HUMAN mahunong og pipila ka adlaw ang pagpangbakuna sa Cebu City batok sa COVID19, moabli na sab og balik ang 5 ka vaccination sites ugma, Hulyo 1.

Kini maoy gipahibawo karong adlawa ni Cebu City Councilor Dave Tumulak.

Matod ni Tumulak nga nakadawat og dugang supply sa Sinovac doses ang Cebu City.

Ang Cebu City Information Office sa ilang fb page, mipahibawo nga ang bakunahan mao ang mga tawo nga ubos sa A1 ngadto sa A4 priority list.

Ang mga vaccination sites nga abli mao ang University of Cebu Senior High School Department sa Barangay Banilad, University of Cebu Senior High School Campus sa J. Alcantara St., Robinsons Galleria, SM Seaside City Cebu, ug NOAH Complex.

G”ipahimangnuan ang tanan nga padayon gihapon ang pagsunod sa mga minimum health protocols sama sa physical distancing, pagsul-ob og facemask ug faceshield,”sigon sa PIO.