Ang biktima nga samaran ug tua karon sa South General Hospital sa Naga City mao si Margie Calunsag dela Cruz, 38 anyos ug inahan sa 7 na ka mga anak.
Ang bana nga miangkong nagmahay sa iyang gihimo mao si Joel Rebucias dela Cruz, 47 anyos, usa ka construction worker.
Sigon ni Police Major Efren dela Cruz Diaz Jr, OIC Chief sa San Fernando Police Station, selos maoy motibo sa pagpamusil.
Giingong nasuko ang bana kay namat-an nalang niya nga nagpunay og kupot sa cellphone ug may gika-chat sa Facebook bisan kon kaadlawon na.
“Moment before the incident, a heated verbal arguments occurred between the subject spouse borne out by the alleged jealousy of the suspect. Shortly, suspect without any lawful reasons, did then and there shot the victim twice hitting the latter in the different parts of her body with the use of an undetermined caliber of firearm,”sigon sa report ni Major Diaz.
Sa exclusive interview sa dyLA, si dela Cruz miangkon nga nagduda gyud siya nga dunay gikabuangan nga laing lalaki ang iyang asawa.
Sigon niya, gibadlong na kini sa ilang kamagwangang anak apan wa mopatuo.
“Gibinuangan man gud ko sir,”sigon sa bana atol sa interview sa dyLA pinaagi sa telepono samtang naa kini sulod sa bilanggoan.
Miingon sab si dela Cruz ngadto sa kapolisan nga wa niya tuyoa ang pagpusil ug nalimot lang gyud siya sa kaugalingon tungod sa iyang kasuko.
Sigon sa kapolisan, ang asawa duna kini sarisari store ug ang iyang mga suki maoy gingong mochat niya.
📷San Fernando Police Station
