Mipalag ang Waterfront Hotels and Casinos sa unverified social media posts nga nagtumbok nga may guests sila nga gikan sa usa ka dapit sa South Korea.
Sigon sa pamahayag sa management, way ingon nianang guests ang ilang mga hotels sa Sugbo ug mipatuman sab silag precautionary measures alang sa maayong panglawas ug kaluwasan sa tanan nilang mga guests.
Matod sa management, mituman sab sila sa tanang lagda ug direktiba gikan sa Department of Health, Department of Tourism ug ubang ahensiya sa gobiyerno.
Makapasubo lang nga may mga iresponsableng mga tawo nga mipagawas og sayop nga mga kasayuran nga ang tumong mao ang pagpanghadlok.
Ilang gipasalig ang maayo ug nindot nga pagtagad sa tanang mopuyo sa ilang mga hotels- ang Waterfront Cebu City Hotel and Casino ug Waterfront Airport Hotel and Casino sa Lapulapu City.
Ani-a ang official statement sa Waterfront Hotels & Casinos:
