Ang National Bureau of Investigation (NBI) mipahibawo nga ilang girekomendar na nga ikiha si Bise-presidente Sara Duterte sa mga kasong inciting to sedition ug grave threat.

May kadugtungan kini sa pasangil sa pagpanghulga ni Duterte tungod sa iyang pamahayag nga duna na siyay gisabot nga assassin nga maoy mopatay ni Presidente Marcos, first lady Liza Araneta-Marcos ug Speaker Martin Romualdez sa higayon nga molampos ang hulga pag-assassinate kaniya (Duterte).

Sigon ni NBI director Jaime Santiago, ang 5 ka abogado apil ang kanhi huwis nga mitan-aw sa kaso, nagkauyon nga ikiha si Duterte.

“Sabi ko nga, 5 abogado kami, ako na dating judge, yan po ang aming nagkakaisang, kumbaga unanimous decision, na dapat ito ay mai-file ito,”matod ni Santiago.

Ang NBI miduso na sa ilang recommendation ngadto sa Department of Justice (DOJ), dugang ni Santiago

“Nai-file na po natin sa DOJ at nasa DOJ na ang bola ngayon. Ide-determine nila kung magko-conduct sila ng preliminary investigation at kung kailangan i-file ang case sa court,”sigon sa NBI director.

📸Sara Duterte fb