Gibutyag sa Compostela Police Station nga miadto sa puneraya ang usa ka babaye nga miila sa usa sa mga patay’ng lawas nga mao ang iyang pag-umangkon.
Ang iyaan nga si Christy Cañeda Banilad miila sa biktima nga mao Elmer Cañeda Enanoria nga taga Riverside, Bulacao, Cebu City.
Ang kapolisan miingon nga ang iyaan nangangkon nga construction worker si Enanoria ug nalambigit sab sa illegal dtugs
Samtang padayon pa nga giila sa kapulisan ang lain pang tulo ka mga biktima nga napalgan sa Compostela.
Ang mga patayng lawas naa sa Angga Funeral Homes sa silingang lungsod sa Liloan.
Kon kahinumduman, usa ka lalaki nga nanguha og bunsay ang aksidente nga nakakaplag sa mabaw nga lubnganan sa sitio Bago, Cogon, Compostela kagahapon sa buntag, Oktubre 6.
Migimaw ang parte sa lawas sa gilubong tungod sa pagsige og uwan.
Ang mga patayng lawas ipaubos pa sa autopsy aron mahibaw-an giunsa sila sa pagpatay.
Ang kapolisan miingon nga padayon pa ang ilang imbistigasyon niining maong krimen.
