Kini maoy unang reaction ni Nico Anthony Ferenal Tejano, ang 1st placer sa February 2025 Mechanical Engineer Licensure Exam
.
Si Tejano, 23 anyos, taga Tuyan, Syudad sa Naga, Cebu ug scholar sa University of Cebu sukad pa sa iyang senior high school.
Siya maoy Magna Cum Laude sa iyang batch sa UC sa 2024 graduates.
“Dako akong pasalamat sa University of Cebu Main Campus, ang akong “second home” sa niaging unom ka tuig. Gikan senior high school hangtod college, usa ko sa inyong mga scholars, ug inyo kong gi nurture sa kung kinsa ako karon. Salamat sa pagprovide og quality education nga nakahatag og opportunity dili lang kanako kondili para usab sa uban pang mga estudyante. With all this, I am proud to say that I am a product of UC,” sigon sa topnotcher.
Gipasalamatan niya ang tibuok pamilya sa naangkon niyang dakong kalamposan.
“Sa Tejano Family, papa Boyet BG Tejano , mama Yuri Ferenal Tejano , akong mga ate, TJ Tejano ug Kennarose Tejano , ug akong mga manghod, Le Bron Ferenal TJ ug Bruce Tejano —salamat kaayo sa inyong padayon nga suporta sa tanan-tanan. Di nako ma imagine ang tanan hardships inyong gi agwanta para sa akong pagskwela. Tanan ninyong sakripisyo, labi na sa mga lisod nga panahon, wala gyud nako nakalimtan. Salamat pud kay misuporta kamo sa akong quizbowl bisan pag kinahanglan kong malayo sa balay tungod ani, ug salamat kay pirme mo nga nag uban kanako sa pagcelebrate, mo uli man kong daog o pildi. Kamo ra gyud akong madaganan ug maulian, wala nay lain pa,”dugang ni Tejano.
Gitagsatagsa niya’g pasalamat ang UC-MAIN Mechanical Engineering Department faculty sama nila ni Dr. Rodel Naval , Engr. Redendo JR Apa, Orl Balungkas, ug sa uban pa nga mga instructors.
“Dili tamo manganlan tanan, pero salamat sa inyong dedication, sa inyong guidance, sa pagtuo sa among abilidad, sa inyong kanunay nga pag train sa amoa, ug sa inyong passion sa pagtudlo.”
“To all of my teachers from Day Care hangtod sa Senior High, I may not be able to name all of you, nor remember all of your faces, pero dili gyud nako malimtan nga sa usa ka punto sa akong kinabuhi, nahimo kong usa sa inyong mga estudyante,”dugang niya sa iyang fb post.
Wa usab niya kalimti ang review center nga mitabang niya aron mahimong andam sa examination.
“Sa Alcorcon Engineering Review Center, mga staff, ug mga instructors, Engr. Ronnie Alcorcon, Engr. Mark Allen G. Armenion, Engr. Tris Tan , Dr. Rodel T. Naval, mga power og comedian namo nga mga instructors, daghan salamat sa inyong insightful ug eye-opening nga pagtudlo, ug sa inyong mga advice kanako para sa board exam. You’ve made the review phase a lot easier and enjoyable.”
Si Tejano nakakuha og 93.50% rating. Gawas niya, 10th placer ang laing taga UC nga si John Rey Bellita nga may score 88.90%.
Gawas nga Magna Cum Laude, si Tejano usa usab ka National Quizzer.
(Contributed photo)
