Matod ni Mayor Alfredo “Al” Arquillano nga ubay-ubay na nga mga turista ang nibisita sa ilang lungsod ilabina og weekend.
“Ni-pick-up na atong tourism,” matod ni Arquillano.
“In fact regular na ang biyahe sa barko. Every weekend kinahanglan klarohon, nimo if makasakay ba ka o dili ba, ilabina if long weekend, kinahanglan klarohon nimo og oras gani nga magdungan ang tanan, di gyud na makasakay,” dugang sa Mayor.
Niluag na sa ang restrictions sa lungsod kon diin matod ni Arquillano ang kinahanglan ra sa mga bisita nga adunay ID ug kanunay mosunod sa health protocols.
Ang San Francisco maoy usa sa adunay daghang kasuroyan sa isla sa Camotes sama sa Lake Danao ug Santiago bay.
Sumala sa Mayor, ang lungsod gipalibotan og white sand apan daghan pa ang wala ma-develop.
Sa pagkakaron, nakabawi na ang lungsod sa nawala nila nga kita sa tourism sector tungod sa pandemya ug nag sugod na usab og balik sa trabaho ang mga tawo human napugos og hunong ang operasyon sa mga hotel ug resorts ug ubang tourism establishements.
Aduna pa gihapo’y kaso sa COVID-19 sa lungsod apan matod ni Arquillano dili na kini makaalarma pa.
Ang San Francisco adunay 60,000 nga populasyon.
