Nagdagan nga nagkadugo ang usa ka asawa gawas sa usa ka lodging house sa Sitio Luray I, Poblacion, Toledo City apan gigukod kini sa iyang bana nga nagdala og sundang ug gitiwasan sa pagtigbas-tigbas sa daplin sa kalsada pasado alas 12 kagahapon sa udto, Marso 9.

Patay na nga naabot sa Toledo City Hospital Marilyn Gadiano Caburnay, 40 anyos, residente sa Brgy. Canlumampao, Toledo City, sigon ni P/Ssgt. Jonathan Cuizon

Ang iyang bana nga Gerardo Padayon Caburnay, 55 anyos, nagtingkagol na sa bilanggoan.

Nasuta sa imbistigasyon sa Toledo City Police Station nga si Gerardo unang mi-check in sa Aleus lodging house sayo kagahapon sa buntag ug gipaapas niya iyang asawa.

Alas 12:10 sa odto naabot ang asawa nga si Marilyn apan nagkagubot na sa dihang misulod kini sa kwarto.

Matod ni Cuizon, nakit-an nalang sa staff sa lodging house nga midagan sa gawas ang asawa ug nagkadugo, ug migukod ang bana.

Sa gawas sa lodging house, gitiwasan ni Gerardo pagtigbas si Marilyn sa lainlaing bahin sa lawas.

“Once said wife entered the rented room, a commotion was heard and the wife run from the room and wounded already. She was chased and hacked for several times at the roadside meters away from said lodging house,” sigon sa police report.

Ang mga sakop sa CDRRMO sa Toledo City maoy midala sa biktkma sa ospital apan patay na kini ozghiling sa mga doctor.

“She was pronounced dead even and attempt to revive her was made. She died due to several wounds on the different parts of her body and most fatal is the injuries on her neck,”dugang sa police report.

Dugang ni Cuizon, ang giingong hinungdan nga gihimo ni Gerardo ang krimen mao ang “intense jealousy” o naghingapin nga pangabubho.

Photo: Toledo PNP