Ang Trade Union Congress of the Philippines o TUCP misaway sa 30-day ultimatum alang sa mga trabahante sa Metro Manila nga kinahanglang magpabakuna, kay kondili, dili na sila pasakyon sa public transport.
Matod ni TUCP spokesman Alan Tanjusay nga kining bag-ong polisiya sa gobiyerno maisip nga “coercive policy” o mapugsanon nga lagda.
“The 30-day ultimatum to get vaccinated to be allowed access to public transportation is a coercive policy,” sigon ni Tanjusay.
Dugang ni Tanjusay nga paglapas kining maong lagda sa katungod sa mga trabahante.
“This policy will not work because workers know this is a violation of their right to freedom of choice.”
Alang ni Tanjusay, ang mga trabahante gipanggutom na ug dili angay ipaubos sa daghang mga restrictions.
Inay ipatuman ang mga coercive policies, matod ni Tanjusay nga ang gobiyerno angayang mahimong agresibo sa paghimo nga accessible ang bakuna ug testing ngadto sa mga trabahante.
