TALIWA sa tinguha sa gobiyerno nga ablihan og balik ang tourism industry, ang mga trabahante sa aviation o airline sector maoy mabutang sa frontline.

Busa ang Trade Union Congress of the Philippines (TUCP) nanawagan sa Inter-Agency Task Force for the Management of Emerging Infectious Diseases (IATF-EID) nga ibutang ang mga airline workers sa A1 vaccination priority list.

Matod ni TUCP Rep. Raymond Democrito Mendoza nga ang cabin crew, flight attendants, pilots ug other aviation workers lakip sa ground personnel maisip nga mga frontliners hinungdan nga angayan lang nga maapil sila sa hatagan og prayoridad sa pagpangbakuna.

Sigon ni Mendoza, ang mga aviation workers susama ra sab sa mga seafarers ug mga overseas Filipino workers nga dakog natampo aron magpabiling molihok ang atong ekonomiya.

“Air transport relies on air crew, who travel across borders at all times,which may result in the need to present proof of Covid-19 vaccination as a condition for entry in some countries. For Philippine air transport to sustain various industries and to carry domestic and foreign tourists, our crew need to be vaccinated as soon as possible,” matod ni Mendoza sa usa ka pamahayag.

Nabalaka si Mendoza nga kon dili mabukanahan ang mga trabahante sa airline sector, mahimong makasamot kini sa problema.

“Failure to vaccinate our air crew will result in the application of stringent public health rules to aircrew. This is the similar problem that confronted our seafarers and OFWs (overseas Filipino workers) before they were given A1 priority classification,” sigon ni Mendoza.

Sa radio dyLA Interview, si Mendoza miingon nga naglibog siya nganong nakalimtan sa gobiyerno ang paghatag og priority sa aviation sector sa vaccination program.

Matod ni Mendoza nga ang maong han-ay sa mga trabahante naa gyod sa risgo sa transmission sa COVID-19 tungod kay ikatubang ug ikasugat nila ang lainlaing mga tawo nga mosakay sa eroplano sa lainlaing destinasyon.

Si Alan Tanjusay, spokesperson sa TUCP, midugang nga ang TUCP mopadala og suwat sa IATF aron i-formalize ang pagpadangat sa hangyo.

Nanghinaut si Tanjusay nga maminaw ug iconsider sa IATF ang maong panawagan.