MINGAW na ang Pier Uno, Cebu City kon hisgutan ang daghang mga tourist van nga sagad unta mag-parking kay maghuwat og mga pasahero.

Kaniadto, gikan sa kaadlawon hangtod sa gabii, may mag-atang gyod nga mga van sa pantalan tungod sa daghang mga foreign tourists nga mopakyaw nila.

Apan pag-igo sa coronavirus disease o COVID 19 labi pa sa China ug karon sa South Korea, kalit sab nga miubos ang gidaghanon sa mga turista.

Usa sa mga van operator/driver nga mihangyo nga di lang nganlan, nangita nalang og sideline kay wa na may mosakay nila. Kon duna man, panagsa nalang kaayo.