Kabahin kini sa mga estriktong lagda aron pugngan ang pagkatap sa coronavirus disease (COVID-19) sa maong mga dapit.
“As per instruction of SILG (Secretary of the Interior and Local Government) Eduardo Año, the movement of LSIs coming from or going to ECQ (enhanced community quarantine) and (modified ECQ) areas will not be allowed temporarily,” matod ni Joint Task Force COVID Shield Commander Police Lieutenant General Guillermo Eleazar sa usa ka pamahayag karong adlawa, Sabado (Hunyo 20, 2020)
Sigon ni Eleazar nga mao kini sugo ni SILG Año, kinsa maoy vice chair sa National Task Force Against COVID-19, aron ang Cebu City ug Talisay City mahatagan og panahon pag-contain sa pagkatap sa virus.
Ang Cebu City ubos karon sa enhanced community quarantine o ECQ samtang ang Talisay City ubos sa modified ECQ. Giingon hinoon nga ang Regional Inter-agency Task Force mihatag na og concurrence sa lakang ni Cebu Governor Gwen Garcia kinsa miluwat og executive order aron idowngrade ang status sa Talisay City ngadto sa GCQ.
Matod ni Eleazar nga ang pagtugot sa mga LSIs nga mosulod ug mogawas sa ECQ ug MECQ areas mahimong makabalda sa mga stratehiya pagsakbang sa COVID-19 dili lang sa Cebu ug Talisay cities kondili sa ubang mga dapit.
Dugang ni Eleazar nga mi-coordinate na sila ni Philippine National Police chief General Archie Francisco Gamboa labut niining gipatuman nga security measures alang sa Cebu City ug Talisay City, ug sa issuance sa travel authorities sa 2 ka siyudad.
Ang mga Police commanders sa tibuok nasod gipahibawo na temporaryong pagsuspenso sa issuance sa travel authorities para sa mga LSIs nga mopaingon ug gikan sa Cebu City ug Talisay City.
Ang Regional Director sa Police Regional Office 7, Director sa Cebu City Police Office ug ang iyang mga station commanders, Provincial Director sa Cebu Police Provincial Office, ug hepe sa Talisay City Police Station gimanduan na nga pugngan ang issuance sa travel authorities sa mga LSIs sulod sa ilang areas of responsibility.
Ang quarantine classifications sa 2 ka siyudad mohangtod sa June 30, 2020.
