NAKALAS ang kinabuhi sa batan-ong sundawo atol sa engkwentro sa mga sakop sa 47th Infantry Battalion sa Philippine Army ug sa gidudahang mga sakop sa New People’s Army didto sa utlanan sa Barangay Cambigsi ug Cansumbol, Bilar, Bohol pasado alas 9:00 sa buntag kagahapon (Pebrero 29, 2020).

Giila ang namatay nga sundawo nga mao si Corporal Jerald T. Villanueva, PA.

Apan wa pa mailhi ang ikaduhang nakalas, kinsa gidudahan nga NPA rebel.

Sigon sa 47th IB nga kuyog si Villanueva sa usa ka platoon nga sundawo gikan sa ilang battalion nga mipahigayon og routine patrol sa dihang gikasugat ang 15 ka mga gidudahang rebelde.

Milanat og tunga sa oras ang pagbinaslanay sa mga bala.

Nakuha sa encounter site ang duha ka armas – .357 revolver ug .38 revolver, mga personal belongings, kagamitan sa pagluto ug mga giingong subversive documents.

Sa fb page sa Katapatan – 47 IB, ilang gihulagway si Cpl. Villanueva nga usa ka bayani.

“HEROES DON’T DIE, THEY JUST FADE AWAY,” sigon sa caption sa hulagway sa namatay nga sundawo.

“A farewell to a brave young man who offered his ultimate sacrifice in order to make your day and night be safe and sound,”dugang sa fb post.

(Hulagway: Gikan sa Katapatan Battalion 47IB page)

thank you for your service.