Special Non-working Day sa Cebu province sa December 4, 2020

Duha ka HOLIDAYS mapaabot sa Cebu province sa sunod semana.

Gawas sa Bonifacio Day (nationwide regular holiday) sa Lunes, Nov. 30, 2020, special non-working day sab sa Cebu province sa Dec. 4, 2020, Biyernes sunod semana, tungod sa birthday celebration ni Gov. Sergio Osmena Jr.

Si Osmena Jr. nahimong Cebu Governor gikan sa 1951-1959. Nahimo sab siyang Cebu City Mayor niadtong 1959-1963 ug Senador niadtong 1965 ngadto sa 1971.

“It is but fitting and proper that the people of the Province of Cebu be given full opportunity to celebrate and participate in the occasion with appropriate ceremonies, subject to community quarantine, social distancing, and other public health measures,”sigon sa Proclamation number 1053 nga giisyu niadtong Nobiyembre 18, 2020 ni Executive Secretary Salvador Medialdea, ubos sa mando ni Presidente Rodrigo Duterte.

Kon apil ba sa Dec. 4 special holiday ang mga highly urbanized cities sama sa Cebu City, Lapulapu City ug Mandaue City, maghuwat kita sa ilang announcement.

Ang Cebu City public information office miingon nga nangayo pa sila og dugang katin-awan niini ug moluwat ra sila og pamahayag.