NAKULATAHAN sa mga tawo ang usa ka mangunguot sa dihang iyang gibiktima ang usa ka dalagang trabahante sulod sa usa ka bus alas 7 kagabii (May 24) sa Sambag 2, Cebu City.
Si Richard Rama, 43 anyos, milabni sa cellphone ni Shania Lagahit, 22, taga Sambag 1.
Sigon ni Police SSgt. Jay Gumandal sa Abellana Police Station 2, gikan si Lagahit sa iyang trabahoan diin nagsilbi siyang HR staff ug misakay siya og bus paingon sa Urgello.
Apan si Rama nga sakay sab sa bus, kalit nga miilog sa cellphone ni Lagahit nga nagkantidad og P15,000.
Nag-inilogay sila ug nagdumogay hangtod nga nakamaneho si Rama paggawas sa bus dala ang cellphone.
Apan ang mga tambay sa kalsada mao ray mitabang og kulata ni Rama hangtod nga may tanod nga naabot.
Karon nagtingkagol na sa bilanggoan si Rama.
📷 Dario Gil
