Niklaro si Duterte nga ang pag-isa nila sa kamot ni gobernador Garcia uban ni kanhi senador Marcos atol sa ilang tigom kagahapon, Oktubre 23, nagpasabot nga sila maoy nisuporta sa gubernatorial bid ni Garcia.
“It was former senator Marcos and me raising the hand of governor Gwen supporting her candidacy for governor,” matod sa Mayor sa Davao City.
Dunay migawas nga tabitabi nga si Garcia miisa sa kamot ni Duterte ug Marcos isip timaan sa ilang pagparis sa 2022 election.
Ang secretary general sa One Cebu nga si Cebu 3rd district congressman PJ Garcia nihimo usab og pagklaro kalabot niini.
Sanglit makita sa pipila ka hulagway sa social media si gobernador Gwen ug pipila ka Presidential aspirants sama ni Manila Mayor Isko Moreno.
“If you see national candidates and personalities with raised hands together with our Governor, that is them endorsing the Governor and not the other way around,” matod ni PJ Garcia.
Matod ni PJ, nga human sa Nobiyembre 15 pa sila modesisyon sa One Cebu kinsa ang ilang iduso nga Presidential candidate sa umaabot nga piniliay.
“Let me, as Sec Gen of One Cebu, reiterate: One Cebu will decide on national candidates and alliances after Nov. 15,” matod ni PJ sa iyang facebook post.
Ang Nobyembre 15, maoy kataposang adlaw sa substitution sa mga kandidato sa 2022 elections.
Gawas ni Moreno ug Marcos, apil sa mga niari sa Sugbo ug nakigkita ni Garcia mao si Presidentiable Ping Lacson.
📸: Duke Frasco facebook page
