Unang naabot ang kanhi Senador ug karon Presidential candidate Ferdinand Bongbong Marcos Jr., kinsa mitambong sa inauguration sa iyang campaign headquarter sa Cebu City ug dayon, nakigtagbo ni Cebu Governor Gwendolyn Garcia sa Kapitolyo.
Naabot sab karong hapon sa Sugbo si Davao City Mayor Sara Duterte kinsa nagsul-ob og green jacket nga may mensahe: “SARA ALL 2022.”
Sa iyang fb post, ang Presidential daugther mipakita sa iyang pagpakigtabo sa iyang ig-agaw.
“Magandang gabi sa inyong lahat. Confirmed po ang aking pagbisita sa Cebu. Kausap ko ngayon ang aking pinsan na si Cebu 5th District Board Member Red Duterte,” sigon sa mayor sa Facebook post.
Sa buwag nga pahibawo sa Liloan municipal government, motambong si Mayor Sara sa duha ka kalihukan sa Liloan town karong Dominggo, Oct. 24.
Kini mao ang Liloan Pier 88 inauguration sa October 24, 2021 (Sunday) alas 9:00 AM sa Poblacion likod sa simbahan ug League of Municipalities in the Philippines (LMP) Cebu General Assembly sa Woodlands, One Tectona sa Yati alas 11:00 AM diin ilusad ang Cebu Forward App.
Tungod sa pagdungan og ari sa duha, mitumaw ang mga huhungihong sa BBM-Sara tandem ug posibleng may meeting sila sa Sugbo.
📷Mayor Inday Sara Duterte
