Kini maoy pahinumdom ni Suspended Cebu City Mayor Michael Rama alang niadtong iyang giingong gustong magdalidali og puli niya.
Si Rama namahayag niini sa press conference human sab sa kalihukan sa iyang partido diin iyang giinsistir nga wa siyay sala ug mobalik gyud siya sa City hall.
“Dili mahimong dili ko makabalik kay wala koy sala.”
Namahayag niini si Rama atubangan sa iyang mga supporters atol sa ilang gihimo nga independence day celebration sa BARUG TEAM RAMA sa Plaza Sugbo grounds sa Cebu City hall.
Mitambomg sab ang suspended City administrator Collin Rosell.
Pipila lang ka City hall officials ang diha sama ni Acting Vice Mayor Dondon Hontiveros ug konsehal Jocelyn Pesquera.
Sa pangutana nganong gamay ra nga City officials ang mikakita, matod ni Rama, “nanghinaut ko nga naa pa silay kagawasan.”
Giunhan ang ilang programa pinaagi sa Santos nga Misa nga gi-officiate ni Msgr. Roberto Alesna. Nidiskurso makadiyot si Rama diin iyang giingon nga nakabalik na siya sa City hall kay didto man siya sa sulod nangihi.
Sa iyang diskurso, matod ni Rama nga gipaninguha sa iyang mga abogado nga makabalik siya isip Mayor.
Usa ka press conference ang iyang gihimo diin gitataw ni Rama, Rosell ug Atty. Jerone Castillo nga wa gyoy basis ang suspension order sa Ombudsman batok ni Rama ug ubang mga opisyal.
Sigon nila, nabayran na gyud sa ilang sweldo ang 4 ka empleyado nga mireklamo, sa wa pa gipagawas ang suspension order.
Iyang mensahe sa nagsuspenso niya, “please wa mi Sala.”
Samtang ang grupo ni Rama naghimo og press conference, si Acting Mayor Raymond Alvin Garcia mibisita sa radio program ni City Councilor Jun Alcover sa dyLA.
Gipangutana si Rama kon unsa nga policy direction ni Garcia nga wa niya magustohi, sigon niya, sa tukmang higayon iya kining isulti.
Wa gihapon siyay klarong tubag kon si Garcia pa ba ang iyang running mate.
Nangunsulta ba si Garcia kaniya sa iyang mga actions sa City hall karon, tubag ni Rama “WALA”.
Gihisgutan sab ni Rama ang nahitabo ni Pastor Apollo Quiboloy. Ang iyang tambag ni Quiboloy “Follow your heart.”
