Ang biktima giila mga si Noel Duavis, 54, nga taga Cangawa, Buenavista. Si Duavis maoy amahan niadtong topnotcher Doctor Mark Johnuel Duavis.
Sigon ni Inabanga Mayor Jono Jumamoy sa iyang fb post, nahitabo kini sa barangay Lapacan Sur, Inabanga.
Ang Kapolisan sa Inabanga miingon nga si Duavis nagmaneho sa Toyota Wigo nga hinatag sa tunghaan ngadto sa iyang anak isip premyo sa iyang pag-top.
Mga pasado alas 1 sa hapon, sigon sab sa mga witnesses nga na-estorya sa mga polis, giingong gitaparan ang sakyanan ni Duavis sa motorcycle-riding gunmen ug gipusil.
Dead on arrival sa hospital si Duavis.
Si Mayor Jumamoy mipaabot na sa iyang pahasubo sa pamilyang Duavis.
“Akong dakong pahasubo sa nagbangutang pamilya, kaigsuonan, ug sa tibuok banay ni PSDS North District Noel Duavis. Gahapon pa lang gyud mi nag meeting kauban ang mga North District Teachers… 😔 Salamat sa imong pagpanerbisyo sa katawhang INaBangnon ilabina sa pagsuporta sa edukasyon sa atong mga kabataan ug sa kinatibuk-ang DepEd… Dili namo makalimtan ang imong pagpakabana ug dakong gugma alang kanamo… Rest in peace Sir Noel, padayon sa imong panaw paingon sa sabakan sa atong Labawng Makagagahom ug ang kahayag nga way pagkapalong magagiya unta kanimo…🙏🏻,”sigon ni Jumamoy sa fb post.
Wa pa’y update ang kapolisan sa ilang imbistigasyon unsay motibo sa krimen.
📷Jono Jumamoy
