Basi sa imbistigasyon sa kapulisan sa Pinamungajsn pinangulohan sa ilang hepe nga si PMAJ Vincent Zozobrado uban sa PNP SOCO, nasayran sa dyLA nga mga alas 7:30 kagahapon sa buntag (Enero 29,2023) nadiskobrehan ang pagpanglungkab pinaagi sa ilang area manager ug sa mga staff sa dihang nangabli na unta sila sa maong tindahan.
Ang wa mailhing kawatan o mga kawatan giingong diha na daan sulod ug nagtago kay wala may sign nga gilungkab ang entrada.
Sa dihang nagsirado na ang maong tindahan, ang mga kawatan miadto sa opisina sa 2nd floor, milungkab o miguba sa door knob niini ug sa dihang nakasulod na gisakiyo ang kuwarta nga sulod sa vault ug gikuha ang tanang kuwarta nga mokantidad og P1.6 milyones.
Ang CCTV gipahangad ug gikuha ang memory card.
Padayon pa ang imbistigasyon sa maong alleged robbery aron masayran kinsa ang tulisan o mga tulisan.
📸: Pinamungajan Police
