Sa iyang paglingkod, gipasalig ni Atty. Diego nga pakigbisugan gyud nga mapanalipdan ang interest sa mga workers sa region 7, labi pa sa isyu sa umento sa suhulan.
“It’s an honor to represent the workers’ sector. I’ll do my best to fairly represent the workingmen/women in the region,”sigon ni Diego sa dyLA.
Si Atty. Diego mahimong usa sa 2 ka labor representatives sa RTWPB-7. Gani, siya maoy unang babaye nga labor representative sa wage board 7.
“It was mentioned during our board meeting by the other board members, specifically employer’s representative Mr. Philip Tan and other workers’ rep Joe Tumongha, ako daw ang first woman representative sa workers sector,”sigon ni Diego.
Siya dunay 5 ka tuig nga termino, basi sa appointment paper nga pirmado ni Presidente Duterte niadtong Disyembre 27, 2021.
Niadto lang Lunes, Pebrero 7, nanumpa si Atty. Diego sa iyang bag-ong position atubangan ni Labor Secretary Silvestre Bello III pinaagi sa zoom, diin gialirungan sab siya sa ubang mga opisyal sa board.
Gipulihan ni Diego si anhing retired Judge Ernesto Carreon nga kanhi mao sab ang RVP sa ALU-CVR.
Ang RTWPB-7 gilangkuban og 7 ka sakop pinangulohan sa DOLE 7 Regional Director isip chairman, duha ka representante sa government sector -ang DTI 7 ug NEDA 7 Regional directors; duha ka representante gikan sa management sector o negosyante ug 2 sa labor sector.
Ang RTWPB-7 maoy motuki ug mo-approve sa petition sa umento sa sweldo.
