Nabalik pagka-konsehal sa Cebu City si kanhi konsehal Jocelyn “Joy” Pesquera.
Si President Rodrigo Duterte mitudlo ni Atty. Pesquera isip konsehal o sakop sa Cebu City council gikan sa South District.
Ang lingkuranan sa konseho alang sa South District nabakantihan og usa sa dihang nisaka pagka-Vice Mayor si Donaldo “DonDon” Hontiveros niadtong November 2021.
Human sa pagtaliwan si Cebu City Mayor Edgardo Labella, si Michael Rama nga maoy vice-mayor maoy mibanos ni Labella ug si Hontiveros isip 1st councilor maoy mibanos ni Rama.
