Ang Nobiyembre 1 ug 2 mao ang kalagkalag nga gisaulog sa mga katoliko matag tuig pagpahinungod sa mga mitaliwan nga minahal sa kinabuhi.
Ang Inter-Agency Task Force o IATF mimando niini aron malikayan ang pagtapok sa mga tawo nga mahimong makaingon sa COVID-19 transmission.
Sa Cebu City, nanghangyo unta si Cebu City acting Mayor Michael Rama nga hatagan og exemption ang Cebu City labi pa nga gipangandaman na sa Siyudad ang seguridad sa kalagkalag ug ang mga fully-vaccinated lang ang pasudlon.
Apan sigon ni Rama nga na-estorya niya si Cabinet Secretary Karlo Nograles kinsa miingon nga gisalikway sa IATF ang iyang hangyo.
Ang Department of Interior and Local Government o DILG nipagawas sab og direktiba sa mga LGUs nga sirad-an gyud ang mga menteryo sugod sa Oktubre 29 hangtod sa Nobiyembre 2.
Matod ni Rama, wa na siya’y mahimo gawas sa pagsunod sa kamandoan.
“Wala pa man ma-receive nako ang ilang statement nga they will not be granting favorable decision. So the decision of the city is to abide (by) and be attuned with the DILG and IATF,” matod ni Rama.
Ang ubang mga localities sama sa Mandaue City, Lapu-Lapu City, Talisay City ug ubang LGUs mipagawas sab og pahibawo nga sirado ang mga sam-ang sa ilang jurisdictions gikan sa Oktubre 29 hangtod sa Nobiyembre 2.
Taliwa niini, gisaway sa Catholic faith defender Dr. Rene Josef Bullecer ang kamanduan pagpasira sa mga menteryo.
“The closure of the cemeteries is very disheartening news alang natong tanan. The AITF (I don’t know kung dunay Kristiano ana nila). It is very easy to regulate the visiting hours knowing nga all menterio puro naa sa open spaces not like sa malls, o grocery . In fact mas KUYAW pa ang carbon market due to the density ug movements sa mga tawo ikumpara sa menterio. GOD’S justice will come soon,” sigon ni Bullecer sa dyLA.
