GOODBYE, BOXING

Si Senador Manny Pacquiao nagpugong sa iyang mga luha samtang mi-anunsyo sa iyang pag-retiro sa boksing karong adlawa.

Sa video nga iyang gipagawas, matod sa People’s Champ ug senador nga ang boksing maoy nakapausab sa iyang kinabuhi.

Mao nga gitagsatagsa niya pagpasalamat ang tanang mga tawo nga nakatabang kaniya aron maabot ang iyang nahimutangan karon.

Apil sa iyang gipasalamatan ang media, ang mga boxing fans, iyang pamilya ug ang Ginoo.

“It is difficult for me to accept that my time as a boxer is over. Today, I am announcing my retirement,” sigon ni Manny Pacquiao sa video.

Gitapos ni Paquiao ang iyang boxing career sulod sa 26 ka tuig pinaagi sa pagkupot sa 12 major titles sa 8 ka lainlaing weight divisions.

“Who would have thought that Manny Pacquiao will end up with 12 major world titles in 8 weight divisions, hold the record of being the only boxer to hold world titles in 4 different decades, and become the oldest fighter to win a world welterweight title?,”dugang ni Pacquiao.

Karon nga iya nang gibitay ang boxing gloves, makatutok na siya sa iyang presidential campaign.