Gani, si Pacquiao nagpasalamat ni Duterte nga gihatagan siyag higayon pagtabang sa kampanya batok corruption.
“Tinatanggap ko ang hamon ng Pangulong Rodrigo Duterte. Salamat po at binigyan nyo kami ng pagkakataon na tumulong sa inyo at bigyan kayo ng mga impormasyon para kampanya kontra korapsyon,” matod ni Pacquiao.
Apan sa pagtawag sa presidente kaniya nga bakakon, si Pacquiao niingon nga matinud-anon siyang tawo ug dili siya kurakot.
“Mawalang galang po mahal na Pangulo, nguni’t hindi ako sinungaling. May mga naging pagkakamali ako sa buhay na aking itinuwid at itinama nguni’t dalawang bagay ang kaya kong panghawakan. Hindi ako tiwali at hindi ako sinungaling.”
Kagabii, si Duterte mibahad nga mokompanya batok ni Pacquiao ug ibisto ang kabakakon kon di manganlan ang mga kurakot sa iyang administrasyon.
Nasuko ang presidente kay si Pacquiao giingong miingon nga kapil-on og tulo ang kagrabe sa corruption karon itandi sa nangaging administrasyon.
Si Pacquiao niila sa DOH maoy unang ahensya nga angayang imbistigahon tungod sa corruption.
Sa iyang tubag sa presidente, si Pacquiao miingon angayang susihon ang pagpamalit sa rapid test kits, PPE, masks ug uban pa aron pagtino hain paingon ang kwarta sa gobiyerno.
