Niadtong Sabado (Mayo 8, 2021), gihimo ang blessing sa maong planta tinambungan sa mga Directors sa kompaniya nga sila si Mr. Antonio Tompar ug Lito Maderazo, ingon man mga opisyal sa lungsod ug barangay.
Sigon ni Tompar, gikuha ang tubig sa usa ka natural spring water source sa barangay Agbanga.
“We just processed it to be able to meet the standard of DOH for purified water,”sigon ni Tompar sa press conference.
Ang bag-ong planta sa purified water gitagana alang sa bulk water supply for refilling stations.
Mo-produce kini og 200 cubic sa tubig matag adlaw, sigon ni Tompar.
Ika-pito na kining planta sa Cebu sa Aqua Pure.
“We are trying to disperse the purified water production, which is presently concentrated in Metro Cebu, to the rural areas particularly in Asturias where tourism is very promising,”dugang sab ni Maderazo.
Gipasabot ni Maderazo nga naaghat sila pagpalambo og purified water plant tungod kay ang supply niini sa Western Cebu towns gikan pa sa Bogo City.
Matod ni Maderazo nga sagad sa mga tawo karon mamili na og purified water nga ilang imnon.
Busa, para sa mga nagnegosyo og refilling stations, ang supply mahimong paliton nila gikan niining planta unya ilang ibaligya na sab sa mga tawo.
“We are selling it at P3 per 5-gallon,”sigon ni Maderazo.
Sigon ni Maderazo nga ang mga refilling stations mahimong mobaligya niini sa mga tawo sa tag P10 ngadto sa P15 per 5-gallon.
Ang kompaniya nagplano nga magbutang og mga water depots sa lungsod aron duol nalang ang kuhaan sa mga refilling stations.
