Gawas niini, nagtanyag sab ang bangko og lainglaing matang sa loan nga dunay “very competitive” interest rates itandi da ubang mga bangko.
Kini sigon ni Atty. Albert T. Concha Jr, ang Presidente sa The Rural Bank of Rizal nga nag-abli sa ika-15 nga branch sa Cebu City niadtong Sabado (May 13, 2023) sa Unit 2, Ground Floor, One Mango Avenue, General Maxilom Avenue, uptown Cebu City.
Si Concha sa interview sa mga sakop sa media, miingon nga dako kaayo nilang kalipay nga mobukas og branch sa usa ka dakong Siyudad sama sa Cebu City.
“Cebu has so much potentials,”sigon niya.
Gani, nagplano silang moabli og dugang branches sa North ug South Cebu.
Ang bag-ong branch sa Cebu City hingpit nga miabli sa mga kliyente karong adlawa, Lunes Mayo 15.
Ilang target ang tanang han-ay kay daghan pa ang mga “unbanked” sa Sugbo.
Apil sa ilang target mao ang mga small borrowed ug small entrepreneurs.
Gawas sa P100 nga kinahanglan para moabli og account, ang minimum maintaining balance naa sa P2,000.
Nag-offer sila og pension loan, salary loan, kotse loan, heavy equipment loan, OFW (SEAMAN’s) loan, ug jewelry loan.
Matod ni Concha, mapasigarbohon kaayo sila niini kay very competitive ang ilang interest rates labi pa sa jewelry loan itandi sa ubang mga financial institutions.
Ang Rural Bank of Rizal mokabat naog P950Million ang bili niini kon hisgutan sng assets.
“We hope to hit P1B by the end of this year,”sigon ni Concha.
Ang Rural Bank of Rizal nagsugod sa gamay nga lungsod sa Rizal, Zamboanga del Norte ug gisugdan kini sa amahan ni Concha nga si Alberto Concha Sr., 46 ka tuig na ang milabay.
Milipang ang bangko sa ubang mga dapit sa Zamboanga del Norte, Zamboanga del Sur,Zamboanga Sibugay, Zamboanga City, Misamis Occidental , Negros Oriental ug karon sa Cebu City.
Matod ni Concha nga nagplano sab silang mobukas sa Manila mga 5 ka tuig gikan karon.
Ang bangko dunay kapin 21,000 depositors.
