Si April Boy Regino o Dennis Regino Magdaraog sa tinuod nga kinabuhi, namatay sa edad nga 51.
Ang iyang kamatayon unang gipahibawo sa igsuon nga si Vingo Regino sa Facebook post karong buntag.
“Nakakalungkot naman ang araw na ito… wala na ang kuya April Boy ko,” matod ni Vingo.
Ang iyang asawa nga si Madel ug anak nga si JC mikompirmar sab niini.
Ang pipila sa mga sikat nga awit ni April Boy mao ang mga jukebox hits “Di Ko Kayang Tanggapin,” “Paano Ang Puso Ko”, ug “Umiiyak Ang Puso” niadtong 1990s.
Siya sab ang nagkanta sa theme song sa teleserye ni Judy Ann Santos sa ABS-CBN nga mao ang Esperanza.
Naila si April Boy sa iyang trademark caps diin ipanglabay niya ang kalo ngadto sa mga fans atol sa iyang mga concerts ug stage performances.
Sagad sa iyang mga fans mitawag kaniya og IDOL.
Una siyang gi-diagnosed nga dunay prostate cancer miadtong 2009 ug nahimo sab siyang diabetic diin naapiktuhan ang iyang panan-aw.