Ang Department of the Interior and Local Government (DILG) mipahibawo karong adlawa nga gipasakaan na og kaso ang netizen nga giila’ng si Gabriel Marvin Cabier, 26 anyos nga molupyo sa Cebu City, sigon ni DILG Undersecretary ug spokesperson Jonathan Malaya.
Si Cabier nakompirmar sa imbistigasyon sa kapolisan nga maoy administrator sa Facebook page “One Ride One Shot,” diin didto gi-post ang ‘false quote’ ni Secretary Ano.
Ang post nagkanayon: “Yowooo na! Wala na jud ko kasabot aning kalakihan ani man jud ni padong ba… Feel nako ang neurons anis utok nagsocial distancing na pud ba hays. #photoolmine. #memes”.
Ang fb post gi-share sobra 11,000 ka higayon ug dunay 3,600 ka reactions ug 1,900 ka comments niadtong Agusto 11, 2020. Apan natangtang na hinoon kini karon.
“Ang pagsasampa natin ng kaso ay isang paalala na maging responsable po tayo sa ating ipinopost sa social media. Gamitin po natin ito para sa kabutihan lalo na at tayo ay nahaharap sa isang matinding krisis,” sigon ni Malaya sa usa ka statement basi sab sa report sa abs-cbnnews.com.
Matod ni Malaya nga dili mahimong gamiton nga argumento sa netizen ang kagawasan sa pagsulti.
“Our freedom of expression is not absolute especially if it distorts facts. This freedom cannot be used to spread fake news or to dish out disinformation,” dugang ni Malaya.
Si Cabier nag-atubang og mga kasong “unlawful use of means of publication and unlawful utterances in relation to the Cybercrime Prevention Act of 2012, ug uban pa.
Matod ni Malaya nga gipasakaan og kaso ang netizen aron pagbadlong niadtong mga tawo nga magmugna og fake news nga dili gyod makaayo niining panahon sa pandemya.
“In this time of public health emergency, it is unfortunate that some people stoop so low and waste their time and energy to spread fake news and sow disinformation to malign people such as Secretary Año, himself a COVID survivor, who has been tirelessly working to defeat COVID-19 in his capacity as Vice Chair of NTF COVID-19,” dugang ni Malaya. (Gikan sa abs-cbnnews.com website)