GISUSI ni Cebu City Mayor Edgar Labella ang nakankan nga riprap sa usa ka taytayan sa barangay Guba tungod sa pagsige og uwan.

Matod ni Ramil Ayuman, officer-in-charge sa Cebu City Disaster Risk Reduction Management Office (CCDRRMO), nga gipaayo dayon ni Labella ang riprap.

Sigon ni Ayuman, ang pagpunay og uwan maoy hinungdan nga nakankan ang riprap sa approach sa Patag bridge.

Kining maong taytayan sa Guba importante kaayo kay nagsilbi kini nga connection sa taga barangay Adlaon.

“Daghang salamat mayor Edgar Colina Labella sa daling pagtubag sa hangyo sa taga barangay Guba,”sigon ni Ayuman sa fb post.

(Photo: courtesy of Ramil Ayuman)