GUSTO karon sa Movie and Television Review and Classification Board (MTRCB) nga ilang ma-regulate ang mga pasundayag sa Netflix ug ubang mga streaming services.

Gani, giawhag sa MTRCB ang mga senador nga mogama og polisiya sa pag-regulate sa content niining maong unternational streaming site Netflix ug ubang susamang providers.

Sigon ni MTRCB Legal Affairs Division chief Jonathan Presquito ngadto sa Senate Committee on Trade, Commerce and Entrepreneurship nga ang ilang mandato sa MTRCB mao ang pag-repaso sa tanang mga motion pictures nga mapasundayag sa Pilipinas bisan unsa pa ang platform niini.

“Stream services like Netflix are video on demand platforms. We have to regulate those platforms. We have to ensure that those materials being shown on those platforms are compliant with MTRCB laws,” matod ni Presquito.

“MTRCB has jurisdiction of that content regardless kung saan mo siya pinalabas… Just because sa internet siya pinalabas, hindi na siya covered ng MTRCB law,” dugang niya.

Ang Netflix unang miangkon nga nakakuha og dugang 16 milyones nga bag-ong subscribers sa unang quarter sa 2020 tungod kay daghang mga tawo ang wa na makagawas sa balay nunot sa mga lockdowns.

Tungod niini, misaka og 27 percent ang ilang revenue ug nikita ang Netflix og $5.7 billion.