Miabot kaganihang odto gikan sa Simala, Sibonga, Cebu luwan sa barko nga midunggo sa Catagbacan Port sa Loon, Bohol.
Gi-motorkada ang imahen sa birhen sa kadalanan sa Bohol ug mihapit sa mga simbahan sa Loon, Maribojoc, sa Dauis ug ngadto sa Our Lady of Lourdes Parish o K of C Church sa Tagbilaran City.
Karong alas 6 sa gabii ang welcome mass sa Birhen sa Our Lady of Lourdes Parish pinaagi ni Bishop Alberto “Abet” Uy.
Sa Huwebes, mouli ang imahen ngadto sa Simala Sibonga.
Sa hulagway nga kuha ni Tessie Barbarona Presente, ang imahen sa Birhen sa Simala gihapit sa Birhen sa Kasilak Parish sa Loon.
Nagpasalamat si Presente sa pag-abot sa imahen, nga maoy duawon sa mga Bol-anon matag karon ug unya sa Simala.
“WELCOME TO BOHOL BIRHEN SA SIMALA… THANK U SA PAGBISITA…. SA AMONG PROBINSYA.. ALWAYS PROTECT US….,”sigon ni Presente.
📷 Tessie Barbarona Presente
