Sa tanang dapit sa Central Visayas, milutaw nga ang mga taga Bohol maoy dunay “best practices” kon hisgutan ang mga gilusad nga programa alang sa maayong Nutrition.
Si Juanita R. Hinay maoy nidaug isip Regional Outstanding BNS (BARANGAY NUTRITION SCHOLAR) sa Bool, Tagbilaran City.
Si Charisma G. Tagsa maoy napasidunggan isip Regional Outstanding Municipal Nutrition Program Coordinator (MNPC) gikan sa Balilihan, Bohol.
Samtang si Dr. Enriqueto L. Acenas mao usab ang napili isip Regional Outstanding Municipal Nutrition Action Officer (MNAO) sa Garcia Hernandez, Bohol.
Mitambong sab sa kalihukan si Balilihan Mayor Maria Pureza Chatto ug Garcia Hernandez Mayor Jess Baha.
Ang mga winners gipili human sa assessment nga gihimo sa grupo ni Mr. Jarvis Prochina kinsa maoy chairman sa Regional Nutrition Evaluation Team.
Si Dr. Parolita A. Mission, Regional Nutrition Program Coordinator sa NNC 7, miingon nga dako niyang kalipay nga ipresentar sa publiko ang mga winners.
Matod ni Mission, sila maoy mahimong ehemplo sa katawha sa mga best practices sa maayong Nutrition.
Gidayeg sab ni Mission ang tanang misalmot tungod sa ilang paninguha taliwa sa giatubang pa nga kalisod tungod sa pandemya.
Diha sab si Dr. Azucena M. Dayanghirang kinsa maoy assistant secretary ug executive director sa NNC kinsa nanghinaut ngs ang mga winners mahimong inspirasyon sa tanan aron makab-ot ang Nutrition security.
