Ang mga senior citizens sa Cebu City makadawat na sab sa nahabilin nilang financial assistance sa 2nd week sa Disyembre.
Sa iyang press conference karong adlawa, si Cebu City Mayor Edgar Labella miingon nga bali’g 4 ka buwan ang ipanghatag o P4,000 alang sa September, October, November ug December.
Ipaagi ra gihapon sa house-to-house ang paghatag o ihatod sa mga balay kay wa mahuman ang paggama sa cash cards alang sa tanang senior citizens.
Matod sa mayor, naa ra sa 20,000 ka cash cards ang nahuman sa Landbank kay wa maapas ang paghimo. Dunay mga 80,000 ang senior citizens sa Cebu City.
Atol sa paghatag sa cash assistance, iapil lang sab paghatag ang cashcard alang sa mga senior citizens niadtong nagam-an na.
Sa December 2, ang cash assistance sa mga PWDs bali’g 6 ka buwan o Hulyo to December ang sugdan sab paghatag.
