Matod ni Labella nga piligro kaayo ngadto sa mga senior citizens kon ipadayon ang distribusyon sa cash assistance tungod sa nagsaka nga mga kaso sa COVID19 sa siyudad.
Unang gipahibawo sa mayor nga madawat karong Abril 25 ngadto sa Mayo 4 sa kapin 82,000 ka senior citizens sa Cebu City ang P2,000 cash assistance alang sa mga buwan sa Marso ug Abril.
Unya na kini ihatag kon wa nay risgo sa COVID-19.
“Cebu City Senior Citizens Financial Assistance Advisory: Taas kaayo ang RISK nga matakdan atong mga Senior Citizens sa covid-19, mao mapugos kita ug POSTPONE sa distribution sa financial assistance. Ang distribution mopadayon kung wala nay risk nga matakdan ug covid-19 ang atong mga pinalanggang lolo og lola,”sigon ni Labella.
Sa social media, daghan nga mga tagtungod sa mga senior citizens ang nasagmuyo nga mabawo sa ilang pagpaabot ang mga senior citizens.
Alang nila, karon mas kinahanglan ihatag ang cash assistance kay daghang wa nay ikapalit sa ilang maintenance medicine.
(Photo: gikan sa fb page ni Mayor Labella)
