Ang puso o hanging rice maoy iladong pagkaon sa Cebu.

Unsa kaha kon ibitay kini sa Christmas tree?

Kini maoy dugang nga talan-awon sa mga shoppers sa SM City Cebu.

Kaganihang hapon, Nobiyembre 8, 2020, gipasigaan na ang 30 ka tiil nga Christmas Tree sa SM City Cebu.

Agi kini og pagtimaan sa pagbukas sa kasaulugan sa Pasko ug aron mas mabatyagan sa mga tawo ang kaanindot sa Pasko bisan ning panahon sa pandemya.

Ang maong Christmas Tree adunay tema nga “Paskong Pinoy” diin gawas sa naandan nga mga dayandayan, nangumbitay ang mga puso o hanging rice. Aduna sa’y mga higanteng Santa Claus sa kilid niini.

Ang matahom nga Christmas Tree inyong makita sa inyong pagsuroy sa Northwing Atrium area.

Ang Christmas tree lighting gihimo nila ni Marissa Fernan, Vice President of SM Prime Holdings Inc ug SM City Cebu Mall Manager Engr. Van Aberia.