Ang labing dakong kahugpongan sa mga mamumuo sa nasod, Associated Labor Unions – Trade Union Congress of the Philippines (ALU-TUCP), miigon nga nakahulga kini sa industrial peace.
Sa usa ka pamahayag, ang ALU-TUCP miingon nga ang police clearance requirement nagdugang lang sa bureaucratic layer.
“From the looks of it, the proposed police clearance in DOLE transactions would further delay the injustice among aggrieved workers and would drive away those seeking redress in DOLE’s conciliation, mediation and dispute resolution, and workplace inspection processes and many other services of DOLE and its attached agencies,” matod ni ALU national executive vice president Gerard Seno.
Matod usab ni ALU-TUCP spokesperson Alan Tanjusay nga nagpaabot sila ni Labor Secretary Silvestro Bello III nga mopatawag og tripartite meeting aron hisgutan kining maong proposal sa PNP.
Ang DOLE nahauna nang miingon nga ilang tun-an ug i-consider kining maong proposal.
Nabalaka si Tanjusay nga kon ipatuman kining maong proposal, mas makahatag kini og kadaut kaysa kaayuhan.
Ang Kilusang Mayo Uno (KMU) ug Nagkaisa Labor Coalition nanawagan sab aron ibasura ang lakang sa PNP.
SI KMU chairperson Bong Labog nakapangutana nganong kinahanglan pa og permit gikan sa PNP. Nabalaka si Labog nga gamiton hinoon kini aron hasi-on ang mga trabahador sa nasod.
Ang Nagkaisa sa ilang bahin mitataw nga ang DOLE angayang manalipod sa mga trabahante ug dili kini magpagamit isip extension sa security ug anti-insurgency work sa kapolusan.
Sigon n i Nagkaisa chairperson Sonny Matula nga ang pag-require sa police or military clearance sa pag-rehistro sa union o sa pag-exercise sa katungod sa mga mamumuo dili lang maisip nga dugang hasol sa red tape kon dili pagpaila lang sa kahuyang sa gobiyerno nga mahadlok sa kaugalingong anino.