Ang kamandoan gituman hinoon dayon sa mga kasamtangang sakop sa board sa MCWD.
Si MCWD Board chairman Atty. Jose Daluz III mipahibawo sa dyLA nga gituman na nila ang order sa korte nga sila nga mga new members of the board mo-cease and desist or moundang una sa pag-function sa ilang katungdanan sulod sa 20 ka adlaw. Gani gikansilar na nila ang schedule meeting karong adlawa.
Apan masaligon si Daluz nga way dili maayong himoon ang 3 ka mga kanhi sakop sa board nga gibalik diha sa MCWD sulod sa 20 ka adlaw “kay ako misalig nga ang tumong namong tanan mao ang maayong serbisyo sa MCWD.”
“Wa man sab mi gihimong dautan sa among paglingkod sa board,”dugang ni Daluz.
Si Cebu City Regional Trial Court (RTC) Branch 7 presiding judge James Steward Himalaloan niadtong Lunes, March 15, 2021, miluwat og temporary restraining order o TRO batok sa order ni Mayor Edgar Labella sulod sa 20 ka adlaw sa pagtangtangtang kaniadto nila ni Ralph Sevilla, August Pe, ug Cecilia Adlawan.
Ang tulo mga tinudlo ni kanhi mayor Tomas Osmena.
“By this order, the above-named plaintiffs shall be reinstated to the status quo ante and the present Board of Directors of the Metropolitan Cebu Water District (MCWD) shall be restrained and shall cease and desist in the exercise of their functions, duties, and responsibilities within the 20-day period duration,” matod ni Himalaloan.
Ang korte mitakda og hearing sa preliminary injuction petition sa March 18 ug March 25, 2021.
Matod ni Daluz nga nasurprisa siya sa restraining order kay kapin tuig na silang nakalingkod apan ila kining tahuron.
Miangkon si Daluz nga mabalda gyud hinoon ang ilang mga gisudlang proyekto alang sa pagpalambo sa serbisyo sa MCWD labi pa sa water supply improvements kay duna na unta silay mga bag-ong kasabutan ug kontrata nga pirmahan.
Sa kauwahian, sigon ni Daluz, mas maayong mohukom na ang korte kon kinsa gyoy molingkod sa board sa MCWD.
“Kon sila aw sila, kon kami, kami….”matod ni Daluz sa dyLA interview.
