Kini basi sa bag-ong guidelines nga gipagawas sa Catholic Bishops’ Conference of the Philippines (CBCP) nunot sa hulga sa COVID-19.
Sa usa ka pamahayag nga gipagawas sa ilang website, matod sa CBCP nga ang naa lang sa seremonyas mao ang kaslonon o ang bride and groom, ang ginikanan sa kaslon, ug usa lang ka set of sponsors.
“The wedding rites prescribed in the liturgical book have to be followed. But, due to the demand of social distancing, wedding celebrations this year will have to be simpler than usual,” matod sa CBCP.
Pasabot sa CBCP nga wad-on na ang mga secondary elements sa seremonya sa kasal.
“We have to forego all of the secondary elements of the normal wedding ceremonies, e.g., the wedding entourage (abays),” dugang sa CBCP.
Sa pikas bahin, ang CBCP gusto sab nga ang motambong sa lubong ug bunyag mao nalang ang immediate family members, ingon man usa ka paresan sa ninong ug ninang o godparents alang sa bunyag.
“The baptismal water to be used should be clean and blessed for that celebration. The Holy Oils should be applied, using cotton, on the one baptized. The cotton with holy oils should be burned after the celebration,” sigon sa CBCP.
Sama sab sa himoon sa mga eucharistic celebrations, ang tanang motambong sa maong mga sakramento kinahanglang dunay face masks ug motuman sa physical distancing measures.
Ang CBCP miingon nga mahimong dili una himoon karong tuiga ang mass confirmations.
Ang pangumpisal mahimo sab nga ipahigayon “outdoors where there is better circulation of air and additional space for safe distance.”
