“Because the 2, 500 rooms that were made available for OFWs, and ROFs are already nearing full capacity and for that reason ang MCIA nideklarar na nga mosira two days, May 14 to May 15, gicancel na ang mga flights. That is why I have to call an emergency meeting this morning (May 13),”matod ni Garica atol sa Facebook live.
Ang, 2, 500 ka quarantine rooms gikan sa 35 ka mga hotels nga gi-identify isip quarantine facilities.
Apan karon dili na paigo pa ang gidaghanon sa mga lawak tungod sa daghang namauli nga Overseas Filipinos.
“Tungod kay ang non-Cebuanos, kinahanglan ipa-estar og 10 ka adlaw, mao ng kagabii, panic na kay napuno na ang 2,500. MCIA had to declare a closure, dili usa ta modawat og incoming flights kay wala na tay mabutangan,”matod ni Garcia.
Gitataw hinoon sa MCIA nga dili gyud magsirado ang tugpahanan tungod kay padayon gihapon ang domestic flights, apan kanselado lang ang international flights.
Samtang nibutyag usab ang gobernadora nga ang tanang mga OFWs ug ROFs nga moabot sa MCIA ipaubos sa RT-PCR test ini’g abot sa MCIA ug maghulat og duha adlawa sa resulta.
Sa mga Sugboanon nga OFWs ug ROFs nga negatibo sa coronavirus disease base sa resulta sa swab test, makauli diritso sa ilang mga lungsod sa Probinsya ug adto na didto mopaubos sa home quarantine.
“On the 7th day, they will be swabbed again, free of charge by the DOH, kay mao naman ni ang atong practice, libre ang swabbing. They will be tested again sa mga Cebuanos,” matod ni Garcia.
Sa mga dili Sugboanon nga OFWs ug ROFs, magpaabot gihapon sila sa ilang resulta sa test, apan kinahanglan sila motuman sa mga rekisitos.
“Ang kadtong mga dili Cebuano will have to show proof sa ilang itinerary kay they are considered transient, mouli sila sa ilang mga probinsya, sa ilang mga Siyudad outside cebu and they will have to subject themselves to protocols of that local government unit,” matod ni Garcia.
Ang gobernadora nipagawas og memorandum alang sa mga OFWs ug ROFs nga dili taga Cebu aron nga maoy sundon o icomply inig abot sa MCIA.
Kinahanglan adunay Letter of Acceptance gikan sa ulian nga LGU nga naglatid sa commitment nga sila mocomply sa “reasonable health protocols” sa LGU of destination.
Sa mga ROFs, kinahanglan adunay mapakita nga pagpamatood sa ilang connecting flight gikan sa Cebu padulong sa ilang LGU of destination gawas sa Sugbo.
“OFWs need not present proof of ther connecting flights as OWWA shall arrange sweeper flights for their return to their LGU of destination.”
Kun ang mga OFWs ug ROFs nga dili taga Sugbo wala maka comply sa maong requirements, dili makasulod sa Sugbo
Kun negatibo usab ang ilang resulta sa swab test, ang maong OFW o ROF temporaryo mo-estar sa hotel o designated holding area sa MCIA hangtod sa sunod nila nga flight pauli sa ilang home LGU.
