Gikan sa 350 ka tawo, moabot na sa 1,000 ka tawo ang mahimong motambong sa matag misa karon nga ubos na sa modified general community quarantine (MGCQ) ang Cebu City.
Ang kadagkuan sa Basilica sa ilang public advisory miklaro nga ubos ra gihapon kini sa 50 percent capacity nga gitugot sa mga religious gatherings.
Apan ilang gituyo nga naa ra sa usa ka libo ang patambungon matag misa sa pilgrim center aron masubay gyud ang physical distancing.
Sa samang higayon, ang Basilica sa ilang public advisory mipahinumdom nga dili pa gihapon pwede nga pasudlon ang mga senior citizens ug mga batan-on nga nag-edad og 21-anyos paubos basi sa stay-at-home order ni Mayor Edgar Labella sa maong pangidaron.
“Please be reminded that Senior Citzens ages 60 above and 21 years old and below will not be allowed to enter the premises of the Basilica as per mandated by the Cebu City government and the IATF. Identification Cards may be asked by our security personnel for verification,”sigon sa public advisory sa Basilica.
