Apan salamat sa Regional Mobile Force Batallion 7 kay wa sila moundang sa kampanya sa pagsumpo sa mga illegal nga kalihukan.
Ang mga sakop sa 703rd MC, Regional Mobile Force Batallion o RMFB7, Drug Enforcement Unit sa Toledo Police Station ug Philippine Drug Enforcement Agency (PDEA)) mironda sa marijuana plantation sa Sitio Hikapon, Barangay Climaco, Toledo City kagahapon sa hapon, March 27.
Pinangulohan ni P/Captain EMMANUEL T. RABAYA, Company sa Commander 703rd MC, ilang naibot ang 7,000 ka punoan sa marijuana nga nagkantidad og P2,800,000.
Nadakpan ang 5 ka mag-uuma nga sila si Harry Macapaz, Jerlito Candilada Sedavia, Michael Ladino Candilada, Benjie Larino Candilada, ug Isidro Omban Canaliso kinsa giingong maoy mga cultivators.
Naabtan pa sila sa kapolisan nga namisbis og tubig sa mga marijuana plants.
Pagdala sa 5 sa police station sa Toledo City, nasakpan nga may pending warrant of arrest si Macapaz tungod sa kalapasan Sec 16 Art II RA 9165 o Cultivation or culture of Plants classified as Dangerous Drugs. Ang warrant giluwatan ni RTC Branch 29 presiding judge RUBEN E ALTUBAR.
Ang operasyon tungod usab sa reports nga nadawat ug na-verified sa intelligence operatives sa 703rd MC.
(Contributed photo sa ThirdCoy RMFB7)
