Nakaangkon og mga samad sa lainlaing parte sa lawas ang usa ka 33-anyos nga lalaki human tigbasa sa iyang maguwang tungod lang sa nahanaw nga tabanog didto sa Lower Brgy Bae, Sibonga, Cebu alas 4:30 kagahapon sa hapon, Pebrero 13, 2022.

Ang naangol ug nadala sa Carcar District Hospital mao si Felix Prajes Bequilla, 33 anyos ug nagpuyo sa Lower Brgy Bae.

Ang iyang maguwang nga nadakpan sa hot pursuit operation mao si Filomeno Prajes Bequilla, 35 anyos, silingan ra sa biktima.

Ang imbistigasyon sa kapulisan sa Sibonga nagpakita nga si Felix (manghod) miadto sa balay sa iyang maguwang nga si Filomeno aron pangutan-on kinsay nagkuha sa tabanog sa iyang anak.

Apan giingong nasuko hinoon si Filomeno ug mikuha og sanggot, ug gitigbas ang iyang manghod.

“The suspect suddenly got infuriated that resulted to a heated altercation between them and then suspect suddenly attacked and hacked the victim using a sickle locally known as “SANGGOT” for several times hitting the latter’s different parts of the body,”sigon sa report ni Sibonga Police chief Major Al-Nico Repalda Haman ngadto sa Cebu Provincial Police Office.

Ang biktima nakadagan ug nakapangayo og panabang sa ubang mga silingan ug gidala sa ospital.

Samtang si Filomeno misibat apan nadakpan ra sa hot pursuit operation sa kapolisan. (Report ni Dario Gil)

📷 Sibonga PNP