MILAMPOS sa ilang relationship goals ang manag-uyab gikan sa Compostela Valley State College Montevista Branch nga mo-TOP 1 sa Licensure Examination for Teachers o LET.

Ang lalaki nga si Marvin Cabel Nillas (BSED) Top 1 sa June 2022 LET Secondary Level pinaagi sa 94.00 % rating.

Ang babaye nga si Charline Tiquin Juntilla (BEED) mao sab ang Top 1 sa June 2022 LET Elementary Level pinaagi sa 93.40 %.

Ang ilang review center Falculan Twins’ Review Center o FTRC mipahalipay sa duha.

“COUPLE GOALS ACHIEVED!,”sigon sa fb post sa review center.

“Remember pa namin yong ka sweet-an nyo during SG Review!!hahaha. Congrats to the both of you! Your FTRC Family is very proud of you!!,”dugang sa FTRC.

Samtang 3 sab ang topnotchers gikan sa Sugbo.

Duha nila ang mi-top sa LET secondary level.

Si Blanche Sanchez Francisco sa University of Cebu in Lapu-Lapu & Mandaue (UCLM) naa sa 5th place pinaagi sa 91.00 % rating.

Samtang si Jela Mae Amit Capuyan sa Cebu Normal University naa sa ika-7 nga dapit pinaagi sa 90.40 percent.

Sa 20,191 examinees sa secondary level, nipasar ang 10,193 o 50.48 %.

Samtang usa usab gikan sa Sugbo ang mi-top sa LET Elementary Level.

SI Jessa Mae Pinote dunay 91.20 percent nga rating, igo alang sa 3rd placer.

Sa 17,149 ka examinees sa elementary level, mipasar ang 8,667 o 50.54 percent.

šŸ“·FTRC