Sa iyang virtual presser, si Cebu Governor Gwendolyn Garcia nagkanayon nga gikan kini sa 445 ka swabs nga gitest sa Vicente Sotto Memorial Medical Center Sub-National Laboratory (VSMMC SNL) diin 413 ang negatibo sa COVID-19.
Si Garcia nagkanayon nga ang swabs nga nakuha gikan sa Cebu Province (68), Cebu City (334), Lapu-Lapu City (16) ug Mandaue (27).
Sa mga positibo nga kaso, tulo niini gikan sa Probinsyia sa Sugbo.
Ang usa taga Malabuyoc nga lalaki nga 59-anyos nga dialysis patient apan matod sa gobernador nagpuyo na kini sa Dakbayan sa Sugbo niadto pang Abril 23 ug namatay niadtong Mayo 23.
Ang laing bag-ong kaso sa Probinsya sa Sugbo mao ang usa ka 39-anyos nga lalaking inmate nga taga San Fernando samtang ang ika-3 mao ang 46-anyos nga taga-Dakbayan sa Talisay, sumala ni Garcia.
Samtang 24 usab ka kaso sa COVID-19 ang natala sa Dakbayan sa Sugbo, tulo (3) sa Dakbayan sa LapuLapu ug duha (2) sa Dakbayan sa Mandaue.
Sa pagkakaron, ang running total sa kaso sa COVID-19 sa tibook isla sa Sugbo moabot na sa 2,522 diin 126 niini gikan sa Cebu Province; 2,081 sa Cebu City; 85 sa Lapu-Lapu City ug 230 sa Mandaue City.
