Ang patayng lawas ni Jhun Leo Panares, 33 anyos, single, public school teacher, ug residente sa Sitio Tapon 1, Barangay Tinaan, City of Naga nakit-an sa kaubang magtutudlo ala una sa hapon karong adlawa, Oktubre 16, 2022.
Sigon sa report sa City of Naga Police Station, pag-abot nila sa tunghaan, nakita nalang nila ang patayng lawas sa magtutudlo nga gitabunan og panapton samtang ang sawog nagkadugo.
Gawas sa mga samad dinunggaban, duna usa’y cord nga nakalambod sa liog.
“Upon arrival at the area, investigation conducted and disclosed that the aforementioned victim was seen lying on the floor believed to be lifeless covered with a cloth. It was notice that the victim sustained stabbed wound on his different parts of the body and has cord wire tied on his neck,”sigon sa report ni Police Major Junnel Caadlawon, hepe sa Naga City Police Station.
Nakuha sa area ang usa ka kitchen knife ug mga personal belongings sa magtutudlo.
“Follow-up investigation is still being conducted to determine the exact identity of the suspect/s including the motive of the crime,”dugang ni Caadlawon sa iyang report ngadto sa Cebu Provincial Police Office.
Ang unang report sa kapolisan sa Naga nga nagkutlo sa fellow teacher, nagkanayon nga nag-chat pa ang biktima alas 7:30 sa gabii sa Sabado (Oktubre 15) nga nagpahibawo nga naa siya sa tunghaan. (REPORT NI DARIO GIL)
📷PC JHONREY LACAY, NAGA CITY PNP
