Ang kapolisan sa Dalaguete miila sa namatay nga mao si Marc Ocampo Ladaran, 32 anyos, taga B. Rodriguez, Cebu City ug giingong Mapeh teacher sa Abellana National High School sa Cebu City.
Gikan sa final meeting alang sa Central Visayas Regional Athletic Association o CVIRAA meet didto sa Dumaguete City, Negros Oriental si Ladaran ug nag-motorsiklo siya pabalik sa Cebu City. Ang CVIRAA meet gitakda sa hinapos sa buwan didto sa Dumaguete city.
Ang ubang magtutudlo nga kuyog niya misakay og bus.
Matod sa kapolisan, may helmet si Ladaran. Samtang nagdagan iyang motorsiklo sa likooon nga bahin sa Sitio Poo, Balud, Dalaguete, wa na kini makabawi ug midritso sa railings sa kalsada.
Dugang sa kapolisan, medyo kusog ang padagan ni Ladaran kay grabe gyod ang naangkon niyang injuries ug gidiklarar nga patay sa ospital.
(Photos gikan sa PNP)
