Si Charisma ug ang iyang bana nga si Sherwin, 45 anyos, nag-inangkasay sa motor didto sa National highway sa Tunghaan, Minglanilla Cebu sa dihang nabanggaan sila og laing motorsiklo alas 5:30 sa hapon kagahapon, Oktubre 4, 2022.
Si Charisma, nagtrabaho isip Teacher III sa Minglanilla Central School. Ang magtiayon nagpuyo sa Deca Homes Tungkil, Minglanilla.
Sa imbestigasyon sa kapulisan sa Minglanilla, ang RUSI motorcycle nagbiyahe gikan sa Norte nga bahin padulong sa South samtang ang motorsiklo sab nga gisakyan sa magtiayong Servado gikan sa South padulong sa Norte. Pag-abot didto dalan sa barangay Tunghaan, ang magtiayong Servado nag-left signal na daan aron moliko padulong sa Boss LD’S Kan-anan apan ang drayber sa RUSI motorcycle giingong wala manumbaling niini ug nibangga didto sa magtiayon.
Nalagpot ang magtiayong Servado human sa pagbangga. Gidala sa Minglanilla Responders ang mga biktima didto sa Minglanilla District Hospital apan si Teacher Charisma gideklarar nga dead on arrival. Samtang ang iyang bana nga si Sherwin gipaubos pa sa medical treatment.
Sumala sa kapulisan, ang drayber sa Rusi motorcycle, dali nga ni-eskapo human sa insidente ug karon subject sa hot-pursuit operation sa kapulisan.
Ang kapulisan sa Minglanilla nakig-alayon na karon sa Land Transportation Office (LTO-7) aron masubay kadtong drayber nga naka-hit and run sa magtiayong Servado.
📸 Contributed Photo
